Þetta veður er svo fáránlega steikt að það er varla fyndið lengur. Áðan var ég að keyra, sólin skein og það var blankalogn og fallegt. Núna 2 tímum seinna er storumur fyrir utan hjá mér og ég bara gjörsamlega bíð eftir að þetta blessað hús fjúki frá grunni.
Vá hvað ég ætla ekki að enda sem fulla gellan allar helgar (ef það er ekki orðið of seint) - fór út í gær og kom heim þegar móðir mín var að labba út úr dyrunum á leiðinni í flug. Smartað!
Fór með Kastljósfólkinu að borða á 101 - endaði þar nottla ágætlega hífuð og hélt svo í stelpupartý seint og síðarmeir hjá Erlu Dögg. Það var allavega það mikið stuð á okkur að við dröttuðumst í bæinn kl. 3 - þá vaknar upp sú spurning, af hverju að fara alltaf í bæinn ? Til að blikka sæta stráka ? Neeeeeii ekki allveg! Mér finnst allir karlmenn á djamminu með standpínu - ég veit það ekki.
Það er svo margt sem ég fæ ekki skilið - þá sérstaklega hluti eins og Myspace, mér finnst bara frekar klúrt þegar fólk segir ekki hæ við mann í Kringlunni eða á djamminu, svo brunar það heim til sín og KOMMENTAR á prófile-inn manns! Hvaaaaaað er þaaaaaað??
Oh íslendingar eru svo spes. Virkilega finnst mér spes lið sem fer í ræktina, pumpar sig upp, ber á sig olíu eða e-n fjandann og tekur svo sjálfsmynd (mér finnst sjálfsmyndir svo ógeðslega vandræðanlegar að orð fá því bara ekki lýst!) Nema þú sért einn í fokkans Effel turninum eða eitthvað svipað! En já aftur að skrítnu fólki - tekur mynd af sér hálfallsbert og setur svo á Myspace-ið sitt. Nei kommon pípol get real hérna!
Þetta lið sem er í þessum ungfrú og herra keppnum (blabla ber fulla virðingu fyrir þessum keppnum upp að vissu marki...) nema hvað þetta lið er með kórónurnar og borðana á sér á öllum myndunum sem það er með af sér á Myspace. Er virkilega kúl af hafa svoleiðis? Er ég kannski bara allveg tíksufyrrt? Ég á klárlega margt eftir ólært í þessu lífi, því mér er bara lífsins ómögulegt að skilja þetta. Sérstaklega finnst mér fyndið þegar lið er með margar bls. af myndum af sér á prófile-num sínum.
Úff ég sverða ég held að þetta Myspace hafi hrundið af stað þvílíkri sjálfsdýrkunaræði að fólk er gjörsamlega að tapa sér. Stelpur fá séns - en strákar ? Strákar ekki setja af ykkur myndir þar sem þið eruð berir að ofan og svo rauðir í framan þar sem þið voruð að reyna að spenna magavöðvana svo mikið að þið náið ekki andanum. Plííís fyrir okkur hin !!
Sérstaklega finnst mér skemmtilegt þegar strákar (þessir sem eru berir að ofan og rauðir í framan) eru með mynd af bílnum sínum. Já ég hef orðið þess heiðurs aðnjótandi að fá vinaboð frá einstaklingum sem virkilega setja mynd af bílnum sínum inn á síðuna sína. Nú eða mótorhjóli. Merkilegt einnig þykir mér svona gaurar sem skrifa status: serious relationship og senda manni svo línu "hæ sæta! á að gera eitthvað í kvöld?" okei smá spurning hérna, ætlast þessir drengir til þess að maður SVARI ??
Ohhhhh ég veit það ekki, þetta er svo misskilið að það nær engri átt.
Einnig þykir mér merkilegt þegar maður neitar vinaboði (ég er að reyna að íslenska þetta hérna) og svo fær maður meil "bídduuu viltu ekki vera vinur minn ??" HALLÓ ég gerði deny! Þarftu þá að spurja ?
(ég er umþaðbil að fatta að ef einhver sem kann ekki á Myspace er að lesa þetta mun sá sami ekki skilja orð í þessari færslu).
Nema hvað, stelpur sem eru með bikiní myndir af sér - er það djók? Eða er ég bara svona óttalega stíf og íhaldsöm ? Ég bara skil þetta ekki. Af hverju ?
Æji ég ætti ekki að tjá mig frekar um þetta. Það er bara svo margt, svo MARGT sem ég skil ekki við þetta. En engu að síður örugglega margt gott við þetta líka, gaman að vera í bandi við fólk sem býr í útlöndum og gaman að segja frá því að ég á hálfbróður sem býr í Bretlandi sem ég hef hvorki heyrt af né séð í 10 ár, og hann fann mig á Myspace sem er ágætlega merkilegt. Þess vegna eru þessar tilfinningar mínar svona blendnar gagnvart þessum vef. Ég hef lengi vel hugsað hvort maður ætti bara að hætta að taka þátt í þessu - en svo á móti kemur að þetta er sniðugt á allskonar máta.
Ég fékk mér þetta blessaða Myspace snemma árið 2004 og þá var hægt að telja íslendingana þar á fingrum annarrar handar, en vinur minn í LA sýndi mér þetta. Þarna úti og annars staðar er þetta notað í svo ALLLT öðrum tilgangi en á Íslandi. Hér á Íslandi þarf alltaf allt að snúast upp í hössl leiðir eða sýndarmennsku. Það er aldrei hægt að hafa neitt bara normal - hér er allt sprengt upp og fólk komið með klámmyndir af sér og bílamyndir og allskonar asnalegt að ég fæ iðlulega kjánahroll þegar ég skoða hina ýmsu prófæla.
Merkilegt líka hvað sumt fólk er að keppast við að eiga sem flesta vini, accept-in mín eru 10 sinnum færri en deny-in. Ekki af því að mér finnst ég svo fabjúlös og merkileg - nei ég bara sé nákævmlega engann tilgang í því að samþykkja lið sem mér finnst asnalegt eða þekki ekki neitt og langar ekki að þekkja. Sérstaklega þykir mér líka orðið pirrandi hvað þetta er orðið mikið auglýsingatrikk, að naglaskóli, eða naglakonur og "ebay" síður og fleira er að biðja mann um að vera vinir sínir.
En jæja þetta er svosem bara mínar pælingar.
______________________________________________
Fyrirvari er settur á þessa færslu þar sem höfundur er ágætlega timbraður. Þá eru heilasellurnar seinar á því og sumar jafnvel ekki við störf.
Dj - Amma kveður
