Ó já - ofan á ógeðslega hópverkefnið sem ég er að reyna að gera er samt spenningur í loftinu. Held nebbla að ég ætli bara að skella mér til Boston á morgun í nokkra klukkutíma - versla smá "nauðsynjavörur sem aðeins fást í USA að hætti Katrínar" og borða góðan mat og hanga með mömmu minni. Þar ætla ég einnig að eyða afmælisdeginum mínum!

Já börnin góð, ég verð 24 ára gömul nk. fimmtudag, ég hlýt nú að bera aldurinn svona afskaplega vel þar sem ég er beðin skilríki þegar ég fer út í búð og kaupi mér brauð, hvað þá aðrar mikilvægari vörur eða jafnvel læt mér detta það til hugar að heimsækja skemmtistaði borgarinnar! Þá er ég farin að taka með mér fimm skilríki og passann minn sem og staðfestingu frá yfirvöldum. Önnur staðfesting á því að ég hlýt nú að bera aldurinn svona mæta vel er það að ég tek eftir því í tíma og ótíma að fólk tekur ekki almennt mark á mér yfir höfuð - horfir bara á mig þegar ég tala og brosir og labbar svo í burt, væntanlega að hugsa "oooooh litla krúttið - hún er svo lítið og veit ekkert hvað hún er að segja, ohhh".

Þannig AÐ afmælið er ekki tímamót hvað þá merki um öldrun! Annars er ég lúmskt afmælisbarn í mér - held að mamma hafi alið það í mér þar sem hún býður alltaf stórfjölskyldunni heim í kaffi og kökur sama hversu gömul ég er orðin. Oft veit ég ekkert af því þar sem upplýsingaflæðið á heimilinu hefur oft verið ábótavant, þannig að oft kem ég heim og þar er búið að stofna til ættarmóts þar sem ættingarnir bíða eftir afmælisbarninu  Já það er alltaf gaman að eiga afmæli.

Hvað þá núna þar sem ég ætla að sameina allar mínar góðu, yndislegu vinkonur og fylla þær af áfengi þannig að öll plön um prófaupplestur daginn eftir falla eins og spilaborg !! Yesss... stelpur þið sem eruð í skóla, ég er alfarið á móti lærdómi eða einhverslags aktivítís daginn eftir afmælið mitt. Seinkjúverymötsforthat!

Jæja - lærdómur í dag og US of the A á morgun OG afmæli hinn!

Veriði skess í bili