Okei - díses annað hvort fæ ég mér pillu við þessu bloggleysi eða fer að viðurkenna vandann og hætti bara þessu bloggi !

Annars er ég bara búin að vera hálf hífuð alla vikuna - hvítvínsglas á stöðum bæjarins hvert einasta kvöld eftir mjög svo langa vinnudaga þannig að það er búið að vera frekar hressandi og fyndið ! Vinnudagurinn hefur lengst allverulega eftir að ég byrjaði í Kastljósinu en það er bara gaman - spurning um hvort lærdómnum finnist það jafn gaman.... bla bla - sjáum til...!

Held ég haldi bara áfram híf-leikanum núna og ætla að skella mér í sushi og svo kampavínsdrykkju (ekki finnst mér kampavín það gott - en hægt er að plata mann í hvað sem er suma daga!!)  Á morgun er það svo árshátíð RÚV sem ég hef átt verulega erfitt með að ákveða mig hvort ég eigi að fara á eða hvað - en ætla held ég bara að skella mér, ég meina halló Sniglabandið er að spila ! ! ! !  :D

Síðast missti ég tánögl þegar ég var í trylltum dansi við þeirra undirleik þannig að kannski gerist e-ð jafn spennandi á morgun !

Aaaaaaannnars segi ég bara góða helgi !

Gestabloggarar eru velkomnir hingað - úff ég er ekki að standa mig...

Pís

En geggjað - ég er orðin að fílamanninum í fésinu mínu. Vaknaði í fyrradag og leið eins og ég hefði verið kýld í klessu á nefið, en minntist þó ekki að það hefði átt sér stað þannig að þetta er búið að vera allt hið undarlegasta. Núna 2 dögum seinna er ég eins og bévítans fílamaðurinn í framan þar sem nefið á mér bólgnar og bólgnar bara með hverjum klukkutímanum sem líður - út til hliðanna og upp. Þannig að núna sést ekki að ég sé með nef heldur meira svona feitar kinnar með tveimur götum á í miðjunni (sem eru semsagt nasirnar). Greit ! Og ég á leið á árshátíð Vöku á morgun. Hversu lekkert er að vera í nýjum kjól, nýkomin úr klippingu og litun og með EKKERT NEF ! Nema jú bara tvær risa stórar kinnar í staðinn. Oh men...

Annars er ég búin að vera að gera þennan ársreikning og öllu sem honum fylgir í vikunni og sérstaklega í dag. En á morgun verður nýr gjaldkeri Vöku tekin við ! Þetta er búið að vera frábært ár í alla staði en ég er þó mjög ánægð að komast undan þessari ábyrgð núna. Ekki það að ég sé sú smartasta þegar kemur að peningamálum.

Oft hefur maður nú  verið kenndur við VISA kort, yfirdrætti, raðgreiðslur, fjölgreiðslur og margt fleira. Ég er svo spennt fyrir öllu svona greiðslum sem ýta undir það að maður geti eytt meiri pening.... uuuu til skamms tíma. Held ég gæti átt fjórar penthouse íbúðir núna ef ég hefði stundum aaaðeins séð af mér : /

...jæja hvað um það - hverjum langar svosem að eiga penthouse íbúð ?? :D

Annars er þessi vika búin að vera ANSI viðburðarrík - tímamót á öllum sviðum held ég bara svei mér þá.

Hætti í Landsbankanum einn tveir og tíu, er byrjuð að vinna sem skrifta hjá Kastljósi á Rúv sem er sjúklega spennandi, búin að vera við tvær útsendingar og þetta lofar bara góðu ! Lætin og spennan eiga allveg við mig. Hætti allveg við flugfreyjuna í sumar sem er viss léttir. Æj það var ekki allveg fyrir mig.

Þannig að já nýr vinnustaður heimsóttur sem og gamall kvaddur með tilheyrandi kökum og faðmlögum sem vissulega er líka erfitt. Æ manni finnst alltaf erfitt að byrja og hætta. En ég er bara ótrúlega spennt fyrir þessu öllu! Veit samt ekki ennþá allveg hvernig sumarið mitt verður þar sem ég er ofvirk og þarf að prófa allt - sjáum til hvar ég enda.

Annars á ég afmæli í þessum mánuði og ég strax farin að plana stelpupartý aldarinnar með mat úr Sam´s og fleira ; D  Oft finnst mér eins og ég það sé svo stutt síðan maður átti afmæli síðast en ég get svo svariða mér finnst bara ekkert stutt síðan ég átti afmæli - greinileg margt búið að gerast síðan og mér finnst ég bara einhvernveginn vera allt önnur manneskja í dag - guð ætli það sé gott eða vont ??

Jæja - ætla að fara og fá mér HLUSSU penisilín töfluna mína svo ég verði ekki jafn mikill fílamaður í kjól á morgun !

Plís god help me here !

Jæja á maður að gera enn eina blogg tilraunina !

Enn ein helgin liðin - hvert fara þessar vikur ? Mér finnst alltaf vera helgi. Annars var þessi busy eins og fyrri daginn, á föstudag fórum við nokkrar og fengum okkur að borða niðrí bæ og röltum um bæinn - þetta blessaða Food and Fun tók samt öll sæti frá þannig að það var frekar troðið út um allt. Annars er ég hálf bitur út í Food and Fun þar sem ég hefði allveg viljað vera fyrri til og pantað eitt stk. borð einhversstaðar. Allir voðalega ánægðir með þetta..

Laugardagurinn fór svo í veislustúss þar sem bæði Beta og Birna voru að útskrifast sem  hvorki meira né minna en viðskiptafræðingar - til hamingju með það elsku stelpur. Ég skoppaði á milli partýanna þeirra og var það mikið stuð. Heima hjá Betu var fólk farið að dansa frá sér allt vit á stofugólfinu sem var mjög gaman! Annars gerir maður oftast sömu mistökin og þau voru í þetta sinn að fara í bæinn - guð þessi blessaði bær hann er merkilegt fyrirbæri. Annars enduðum við Erla Dögg í "taxa" hjá einhverjum araba sem mér leist nú ekkert svo vel á - enda var hann frekar pirraður þegar við sögðumst ekki vera með neitt cash : | hvaða hvaða það er árið 2007 hver gengur með pening á sér ? Ef maður ætlar að vera gervileigubílstjóri þá þarf sá sami bara að hafa hraðbanka eða e-ð slíkt í skottinu.

Annars er þessi vika strax hafin með látum - og á örugglega líka eftir að enda með látum þar sem á fimmtudag er salsa mega party hjá yfirmanninum, rosa tónleikar í Háskólabíó á föstudaginn með Ragga Bjarna, Eivör og Sinfóníuhljómsveitinni með vinnunni og endar svo vikan í örugglega hrikalega sóðalegri árshátíð Vöku takk fyrir pent. Og já reyndar fyrir þetta allt þarf ég að gera upp allt liðið starfsár Vöku og skila af mér gjaldkeratitlinum - újee !

Fyrstu gestir mættir hjá henni Birnu - voðalega eru við prúðar stúlkur þarna..

Svo er það hinn margrómaði mánudagsklúbbur sem stendur alltaf fyrir sínu. Ég, Aldís og Birna viðskiptafræðingur.

Annars segi ég þetta gott í bili - reyni að láta líða minna en 3 mánuði á milli blogga næst :D

Sæ - sæ - sæææælar !

Þetta blogg mitt - ég er svo ómetnaðarfull þegar kemur að því, samt tími ég aldrei að skilja við það, óttalega skrítið samband þarna á ferð...

En semsagt það er búið að vera svo viðbjóðslega mikið að gera að ég hef ekki haft tíma til þess að lifa. En núna er þetta allt verða normal aftur held ég - kosningarnar voru í síðustu viku og vinnan fyrir þær var rosaleg - svo er ég að rembast við að skila af mér umsókninni fyrir skiptinám og það er bara ógeðslega mikil vinna guðminn !

Fór í 4 tíma TOEFL próf á laugardaginn sem var ekkert svo skemmtilegt en gekk vel held ég bara engu að síður - afar skemmtilegt að sitja með fólki inn í stofu og tala ensku í einhvern míkrófón ! Æjh það ágætlega vandró. Annars er ég búin að vera útum allan bæ að redda hinu og þessu fyrir þessa umsókn - stefni samt á að skila henni í dag, meira vesenið sem tengist alltaf þessari Ameríku.

Annars voru 4 skilaverkefni í síðustu viku ofan á þetta allt þannig að ég endaði á því að taka mér frí í vinnunni útaf þessu öllu, en eins og ég segi held að ég sé að endurheimta líf mitt aftur þessa dagana. En þá er ég orðin veik, ég held að ég sé með fuglaflensuna, það eða heilahimnubólgu.

Annars er ég með valkvíða þessa dagana varðandi sumarvinnu, veit ekkert hvað ég á að gera. Fékk flugfreyjuna hjá Icelandair en veit ekkert hvað ég á að gera við það, finnst þetta fluffuæði þessa dagana aðeins of ofmetið - sem uppalin af þreyttri flugfreyju sé ég ekki allavega dýrðina í kringum þetta eins og svo margir. Annars er samt ekki leiðinlegt að fá að skreppa til USA tvisvar í mánuði í allt sumar og allt það - en það er e-ð framapot að trufla mig.

....æj ég sé til hvar ég enda í sumar - kannski að reikna út þjóðhagslíkön eða að bjóða fólki tea or coffee - sjáum til sjáum til.

Ég ætlaði að byrja í átaki í ræktinni fyrir löngu, búin að vera styrktaraðili World Class í áratug, en gat alltaf gripið í þá afsökun að ég ætti ekki lengur íþróttaskó - svo fór ég um daginn og keypti loksins íþróttaskó en núna er ég farin að sjá eftir því. Ég er búin að horfa á þessa blessuðu ónotuðu skó í 3 vikur og ekkert gerist ! Hvað er að manni ! ! !

Mig langar í sjeik....

Farin að halda áfram að vera veik - mér leiðist svo ógeðslega mikið að ég ráfa bara um gólfin hérna heima og veit ekkert hvað ég á að gera af mér.

Ég, Ester og Kristín skelltum okkur í djammsamfestinginn um helgina - partýstuð !

Ég er svo mikill togstreitukarakter að ég verð stundum pirruð út í sjálfa mig (þá verður einn karakterinn pirraður út í hinn... eða já eitthvað svoleiðis allavega).

Ég er búin að vera svo fáránlega busy undanfarið að ég er búin að pirra mig hverja helgi hvað það sé mikið að gera og afmæli hér og partý þar. MIg hefur dreymt um bara tjillað helgarkvöld þar sem ég geri ekki neitt. Nújæja draumur minn hefur verið uppfylltur svo sannarlega þar sem ég er frekar tussuleg og slöpp hangandi heima á laugardagskvöldi að gera nákvæmlega ekkert. Hvað gerist þá ? jú ég er að DREPAST úr leiðindum ! ! ! ! Nei sko virkiega að deyja.

Vöku liðið blindfullt upp í sumarbústað, útskriftarveislupartý með fullu fólki, og krúttlegt matarboð annarsstaðar þar sem fólk er með vín í fallegu vínglasi. Skemmtilegt...

Nú skil ég af hverju fólk verður feitt þegar því leiðist - ég er ekki frá því að ég hafi lagt leið mína inn í eldhús amk. 8 sinnum sl. 3 tímana. Og líkurnar eru ekki litlar að ég muni rölta þangað aftur á næstu mínútum - held ég hafi séð voðalega sniðugt súkkulaði þar áðan þegar ég var að fá mér hvítlauksbrauð.  

Ó guðrjómabolla...

Þessi dagur er svo ekki tileinkaður méér.. Ég er ofurljót, í krumpuðum buxum (ég hata krumpur! - er alin upp af straujbiluðu fólki ) og mér er ýkt illt í hálsinum en samt ekki veik, en samt allveg veik. Er einhver hér að finna stemninguna sem ríkir ?

Svo er ég að vinna og það er gjörsamlega EKKERT að gera, þannig að ég veit bara ekkert hvað ég á af mér að gera - sökum leti og ekkert að gera heita þá hef ég ekki gert neitt annað í dag nema drukkið Panodil Hot te og bruðið verkjapillur og allskonar sólhatt og fleira. Þannig að á þessari stundu líður mér hálf skringilega og finnst allt svakalega sniðugt.

Ég fór í hádeginu og hitti hana Kristínu Laufey á Thorvaldsen og á meðan við borðuðum súpu og fengum okkur brauð þá tókst mér að rekast í allt, dýfa treflinum mínum ofaní súpuna, slamma disknum mínum harkalega borðið þannig að allir litu við og fleira skemmtilegt.

Nú annars stefni ég á áframhaldandi gleði í kvöld, er að pæla hvort ég eigi að fara til læknis eða ekki. Æ þetta er svona blendin tilfinning hvort ég sé veik og þurfi þess eða að hann eigi bara eftir að gera grín að mér og segja mér að fá mér bara trefil og ullarsokka.

Svo bíða mín tvær stöðumælasektir, ég er búin að taka svolítið flipp í bílastæðamálum undanfarið þar sem sektunum var farið að fara fækkandi. Þannig að í kuldanum undanfarið og wannabe hálsbólgan mín hef ég ákveðið alla þessi viku að leggja fyrir utan vinnuna (sko öll bílastæði í kílómetra radíus frá bankanum er gjaldskyld! ) en í staðinn fyrir að setja 900-1000 kall í stöðumælinn hef ég bara ákveðið að spara mér sporin og fá bara sekt ! :D Þá bæði spara ég 50 krónur plús fyrirhöfnina að fara og finna klink og setja í mælinn. Vá ég er svo snjöll. Fórnarkostnaðurinn í fyrirrúmi á mínum bæ.

Það er farið að renna af mér - ætla að fara að hella mér aftur uppá Panodil Te.

Æjh það er bara alltof kalt til þess að blogga.

Finn ekki ritmáttinn sækja að mér þessa dagana. Kannski vegna þess að það er allt á fullu  - skólinn, vinnan og síðast en ekki síst VAKA..

...ég ætla víst aldrei að læra mína lexíu, enda alltaf með stútfulla dagskrá. Og jah kemur nokkrum á óvart að auðvitað situr ávallt námið á hakanum þegar maður þarf að velja hvað maður á að skella pásu á. Það er sérstaklega gaman núna í ljósi þess að ég er í sex fögum sem er ágætlega mikil pressa, og þessi fög eru öll annaðhvort frekar þung eða verkefnafrek.. :/ ojæja..

Opnun kosningamiðstöðvarinnar okkar í Vöku var formlega opnuð í kvöld og hér með hefjast lætin - þetta verður ofsalega gaman en líka erfitt.

En já - þetta er ekki að gera sig í dag, ég blogga meira þegar ég hef eitthvað að segja!

Tjá for ná

* Ég höndla ekki þennan kulda - ég DEY !

* Líkaminn segir bara nei við þessu - mér finnst eins og puttarnir á mér séu að kulna af mér hægt og rólega. Allavega eru þeir búnir að vera stanslaust ískaldir í marga daga núna.

* Svo er ég líka með ískalt nef - en það er sagt að þeir sem eru með kalt nef séu með kalt hjarta :|

* Kannski er nefinu mínu bara svona kalt þar sem því fer sístækkandi með hverju árinu núna. Ég hefði kannski átt að taka það fram í "annálinum" mínum að á árinu 2006 uppgvötaði ég ljótleika nefsins míns. Nef hefur ávallt verið fyrirbæri sem ég hef aldrei pælt í - hvorki á mér né öðrum. En núna skoða ég allt í einu öll nef ! Ég stend við það að mér finnst nefið á mér hafa orðið arabalegra með aldrinum :( doldið leiðinlegt - en ég stend fast á mínu.

* Ég held að ég sé fáránlega leiðinleg þessa dagana - ég tala ekki um annað en kulda. Dimmt og kalt - oj maður það gerist ekki verra. Ég verð alltaf vissari í minni sök á þessum árstíma að ég eigi ekki heima á þessu landi. Líkaminn segir bara NEI við almennri starfsemi á svona kuldatímabili. Mér var held ég ekki ætlað að búa hér á Íslandi sem er á mörkum hins byggilega heims !

* Annars hélt ég í gær að ég yrði vitni að dauðsfalli - en ég var að fara að hitta Laufey í hádegismat og ég sé hana labba í áttina til mín í Austurstræti - og svo labbar hún framhjá manni sem er að taka úr hraðbanka nema hvað allt í einu dettur maðurinn aftur fyrir sig eins og spýta og liggur í götunni með lokuð augun og opin munninn !! Ég hleyp til þeirra þar sem Laufey greyið er að stumra yfir kallinum og að hringja í nænwonnwonn á meðan. Og ég sverða ég hélt að kauði væri steindauður ! En ég hafði smá rétt fyrir mér, hann var steindauður...áfengisdauður. Greyið lá bara þarna með vodka flöskuna inn á sér og við settum hann bara upp við e-n vegg og fórum og fengum okkur að borða :| ..og Laufey hafði áhyggjur allan tímann hvort kallinn yrði úti, haha.

Semsagt boðskapur dagsins er - ekki verða rónar !

* Tók detox helgi sl. helgi eftir djammið og sukkið um jólin. Ekkert djamm né óhollur matur. Fór meðal annars á Kalda Slóð og guð hjálpi mér ég held ég sé ekki búin að ná þeim andlega þroska til þess að skilja ágæti íslenskrar kvíkmyndagerðar. "hann er blaðamaður" - "haaa er hann blaðamaður ??"  er þetta bara ég eða ofleika allir íslenskir leikarar ? - kannski ætti ég bara að halda mig við allar amerísku klisjurnar sem enda alltaf vel og allir eru með hvítar tennur - allavega for now !

* Klikkað tímabil að fara í gang - en kosningarnar til Stúdentaráðs HÍ eru að ganga í garð. Kosningamiðstöðin okkar í Vöku fer að komast í gagnið og allt á fullt. Allir alltaf velkomnir, hvort sem þið viljið kíkja í kaffi eða hjálpa til.

Prófin búin - og hvað gerist þá jújú ég hætti að blogga. Það er merkileg fylgni þarna á milli, stenst alltaf hreint.

En það er víst komið nýtt ár sem ég tók á móti fagnandi. Árið 2007 gengið í garð og mér líst bara svona ágætlega á þetta ártal. Held að það eigi eftir að gerast margt skemmtilegt. Annars fer maður að detta í töluna 24 sem er svosem ágætt, mér finnst ég hvort eð er alltaf jafn ung.

Ég held að ég verði svona týpan sem finnst hún alltaf vera ung sama hvað - enda á ég það nú reyndar ekki langt að sækja þar sem 52 ára gömul móðir mín stelur fötunum mínum jafnt sem snyrtivörum ... (jú og ég stel hennar dóti á móti) ...og hún heldur oft að hún sé ekki komin yfir þrítugt - blessunin. Æ ég held að það sé bara gott, frekar en að verða gamall um 35 ára aldurinn.

Annars var árið 2006 sem var rétt í þessu að ljúka ansi viðburðarríkt þegar ég lít til baka.

Held ég taki þetta í punktum..

* Ég byrjaði á því að fara til Boston í viku í byrjun janúar - þar slappaði ég af, verslaði og overdozaði á Cheesecake Factory.

* Í febrúar var ég plötuð í Vökustarfið og ekki sé ég eftir því - yndislegt fólk sem ég hef kynnst þar og fáránlega öflugur liðsandi. Febrúar mánuð endaði ég svo á vodka fyllerý í Finnlandi í 15 stiga frosti - ógleymanleg ferð.

* Vorönnin flaug framhjá mér eins og fyrri daginn og endaði ég nokkuð ánægð með hana.

* Tímamót held ég barasta í skólanum þar sem ég var farin að sjá fyrir endanum á náminu - jah sem eru líka merkileg tímamót því það þýðir að það styttist í það að maður verður fullorðin.. ó men.. hagfræðingur ? hvað er það ?

* Í maí var farið í þriggja vikna geðsjúka ferð til USA - borgirnar San Fransisco, Los Angeles og Las Vegas voru heimsóttar. Engar af þeim í fyrsta skipti í mínu tilfelli... já ég er trú og trygg Californiu - ég ELSKA hana og mun vonandi heimsækja hana sem oftast í náinni framtíð!

* Ég átti mjög gott sumar í Landsbankanum - komst í gott starf með frekju og smá skvettu af metnaði - var meira að segja send alla leið til Egilstaða í viðskiptaferð ;) úje (kommon hver er munurinn á Egilstöðum og London ?? nei bara spyr)

* Með enn meiri skvettu af annaðhvort frekju eða metnaði man ekki hvort það var - þá fékk ég mínu framgengt og fékk að halda áfram í vinnunni með skólanum.

* Þegar blessuð sólin lét loks sjá sig í sumar þá var ófáum stundum eytt niðrí miðbæ eftir vinnu með jafnvel svosem eitt hvítvínsglas í hönd. (Já og ég og Beta fórum einu sinni heim fullar klukkan 18:00)

* Sumarið mitt var bæði frábært og ekki frábært

* En það leið of hratt nú bara eins og öll sumur eru farin að gera.

* Startaði haustinu með smá verslunarferð í London - þar sem Topshop og sushi voru í hávegum höfð

* Vökustarfið fór á fullt og ég skrapp svo til Danmerkur rétt fyrir prófin og heimsótti hana Systu mína sem ég hafði saknað svo sárt

* Árið 2006 endaði svo í hrikalegri prófatörn sem ætlaði engan endi að taka

* Eftir prófatörnina datt ég í það ....í tvær vikur ! Ég er búin að vera vel marineruð síðan fyrir jól sem er svo NOT me ! Mjög fyndið - er reyndar að súpa seyðið af því núna - er búin að vera timbruð í 5 daga.

* Jólafríinu eyddi ég líka undir sæng með bók í hönd - ég er svo mikill bókaormur en sökum háskálanáms þá er ég bara farin að lesa í jólafríum. Er að byrja á þriðju bókinni núna og á tvær eftir. Þá meiga skólabækurnar taka við...

* Á árinu 2006 hef ég lært meira um sjálfa mig en nokkurn tímann fyrr og er ég ánægð með það - þó ekki endilega hvernig ég fór að því. Ég hef bæði komist að ýmsum veikleikum sem og styrkelikum í fari mínu. En allt sem drepur mann ekki - styrkir mann.

* Á árinu 2006 hef ég styrkt vinabönd við nokkra yndislega stelpur sem ég held að ég mun eiga að - að eilífu. Sumar þeirra voru mér ókunnugar í byrjun ársins en eru mér ofboðslega nánar í dag. Mér þykir óendanlega vænt um þær og ég held barasta að þær viti nákvæmlega hverjar þær eru þar sem ég hef reynt að leggja mig fram við það að segja þeim það.

* Ég hef komist að því að vinskapur byggist ekki á því hversu lengi vinir hafa þekkst.

* Ég hef líka komist að því að vinskapur breytist - vinir verða kunningjar og kunningjar verða að vinum. Það eru staðreyndir þegar kemur að því - og því á maður ekki að svekkja sig á því.

* Á þessu ári hef ég verið hamingjusöm, óhamnigjusöm, glöð, leið, spennt og kvíðin.

-------------------

Á nýju ári ætla ég að styrkja allt það góða sem ég hef lært og komist að - og á móti ætla ég að setja allt það vonda eða neikvæða fyrir aftan mig og halda áfram eða jafnvel byrja upp á nýtt á sumum vettvöngum.

Á nýju ári ætla ég að halda áfram að kynnast sjálfri mér og styrkja kosti mína og viðurkenna galla mína.

Svona er ég :)

Um jólin ætla ég;

* að hafa það gott og líða vel í hjartanu

* að lesa bækur í nýjum náttfötum í rúmi með nýjum rúmfötum

* borða góðan mat

* slappa af

* sleppa öllum áhyggjum

* vera góð við þá sem mér þykir vænt um

* borða konfekt

* hitta vini og vandamenn

*  að eiga gleðileg jól !

Þess vegna vona ég að þið kæru lesendur munuð gera hið sama

Gleðileg jól elsku vinir mínir